EXPOSE- Kundoktor Modus sa Jeep

(by graphicare/fiscaplyder)
Share this in Facebook. Just Click the Icon
Share

Bantayi ninyo ning kalaki sa ubang kundoktor sa jeep kay kuyaw kaayog style (malas lang nila kay klaro pa sa xexox machine ang akoa pagkakita sa ilaha kabuang hehehe), kay lagi P6.50 man ang plite kasagaran ana nila moana na walay .50 cents, siyempre ang uban di nalang dyod magtagad sa ilaha sukli o kung kapal muks kaayo ang kundoktor di naman gani moingon nimo na walay sukli diretso nag dawat sa imoha P7 ug di ka suklian. (Wow kanindot sikaran aron mahulog heheheehe yaw nalang kay di man ta si Van Damme hehehe)

Anyway unsay modus sa uban jeepney konduktor? ang modus ana nila ang mga 50 cents didto nila ibutang sa babaw sa atop sa jeep, unya ang ilaha lang ipakita sa ila kamot mao tong mga tag piso, dayon pakita sa ilaha kamot atong mga tag-piso sa mga pasahero kung naay mangayog sukli na 50 cents ug " way tag singkwenta lagi". Nasakpan nako ni kay kada bayad sa pasahero akoa man dyod tan-awon kung naay bay 50 cents, kay kung naay tag 50 cents na nadawat sa kundoktor mangayo dyod kog sukli. Kung di sad manukli sa gibayad na P7, P6 rasad akoa iplite ug ako ingnon na "ah wa man gani ka nanukli sa P7 ganina karon mangayo kag kuwang nako kay P6 ra akoa gibayad? heheheh utakay raman na ba.

Kadtong hitaboa nakakita dyod ko na naay nibayad ug P6.50 sakto dyod ba. Akoa dayon gitan-aw ang kamot sa kundoktor, iya dayon gilain ang 50 cents dayon pina-simpleg butang didto sa atop. Dayon naay nibayad ug P7 wa na niya suklii. Didto na nisaka ang akoa dugo ug ang akoa heart mura nag gusto nang manipa sa kalagot, akoa giingnan ang konduktor na " Dong di lagi ka manukli sa P7 no? nitubag pa dyod na " kay wa may tag P.50" Tubag sad kog " Unsay wala ba, dinha nimo gipamuntang ang tag P.50 sa atop. Ayaw nag tubag kay kakita ko nimo. Hastang babaye na nibayad ug P6.50 ganina nitubag nag "bitaw naay P.50 cents ganina akoa gibayad nimo"

Murag namula sa kauwaw ang oplok na kundoktor. Gitabangan nag yawyaw sa mga pasahero. Marisi nimo dong kay naa kay chance magtinarung ang kabuang dyod ang imo gipili. Pinangga sa Diyos ang mga pobre, pero kung pobre ka unya buangon kag utok, pila ka adlaw didto ka puniton sa basurahan, tapok sa mga tawong oplok ug mga panghuna-huna ug baruganan.

So mga pasahero pagbantay mo..ayaw mo pailad!