Tuesday, February 2, 2010

Dakong Tikas sa mga Mandaue-Colon Jeepney

Share this in Facebook. Just Click the Icon
Share


Garapalan na dyod kaayo ang tinunto aning mga jeep na magbiyahian ug Mandaue-Colon na rota. Again??? Garapalan? Yes, i repeat garapalan! Kani man gud ang tinunto basta gani pasagdan lang kay mogara!

Giklaro dyod nako sa Land Transportation Franchising and Regulatory Board (LTFRB) kung pilay plitehan aning gikan ka Highway ug sa Ayala ka manaog kay ang kolekta sa mga kurimaw kay P9 man. Nagduda ko niini kay kadtong gikan ko sa Ayala unya Mandaue-Highway ko nanaog kanang naay Jollibee gud atbang Chowking kay gikolektahan raman kog P8 sa kundoktor. Duda nako ato P7.50 ra man siguro kay less 50 cents na baya ang minimum run. Naay 50 cents na kida. Pero kung gikan ko Highway unya sa Ayala ko naog nganong P9 man ang kolektahon aning mga kundoktor? So i called LTFRB and clarrified this issue ug na-shocked dyod ko kay P6.50 ra daw kuno ang plite gikan Highway to Ayala. Unya kung sa Mango ka naog o Jones kay P8.75 ray plite o round-off nato to P9, Mao na nang P11 kung Colon dyod ka manaog.

So usa ray buot pasabot ani..dugay-dugay na diay ning tinunto aning mga korimaw na mga driver ug konduktor sa Mandaue na mga jeep. Utro sad ning mga pasahero usahay na magnga-nga raman ni ug sunod-sunod sa ubang mga kundoktor na nanagko lang ang mga tiyan ana sa tikas. That man from LTFRB na akoa naistorya sa telepono giingnan sad ko na tan-awa lang daw ang taripa sa jeep. Unsa may tan-awon na daghan man sad ning mga jeep na walay mga taripa? Violation sad kining dili pag-display ug taripa pero wa may nagmonitor niini kinsay dapat dakpon o di?

Ako pay LTFRB ug LTO mangita dyod dapat ug paagi aron matagam ning mga kabuang aning mga kundoktor ug mga jeepney drivers oi. Dili kini mahimo na maniguwang nalang ni sila ug sigeg tinunto! Dapat ani nila pulbuson na hantud mapud-pud sila ug wala nay guts magbinuang!