Monday, December 12, 2011

Abusadong Jeepney Driver

Share this in Facebook. Just Click the Icon
Share

(Gigama ni Jaime)

Nagkadaghan na dyod ang mga jeepney drivers ang walay respetar sa ila mga pasahero ngari sa atoa dakbayan. Kadaghan nila ang sungayan na ug murag wala gihapon kasabot sa ila mga responsibilidad bilang usa ka driver sa pampasaherong sakyanan. Bisan ang uban kanila namuti na ang buhok ug drive, pero di gihapon parespetar sa ila kaugalingon.

Image Hosting by PictureTrail.com

Nakasugat nasad ko'g lutagaw na driver na magbyahean sa usa ka mall sa Sugbo. Ang utok aning drivera murag utok sa usa ka bolinaw kay wa kini kasabot kung unsay sakto ug unsay dili. Gara pa kaayo manubag ang amaw. Aw kung di palang sala ang manakit lagi, nindut nalang kaayo tyanon ang buang ug tadyakan hantud magkamang na sa kasakit hehehe...

Padulong mi sakay sa jeep ato kuyog akoa client going sa downtown. Pagsaka palang namo niana na ang ogok na driver na di na daw siya maabot dapit sa metro gaisano kay dira lang kuno siya kutob sa UV kay mograhe na daw siya. Nisaka dayon akoa kilay ug mobunot unta kog pistola para akoa pusilon (estoryaheeee!) pero wa man diay koy pistola ug di gani ko kabalo mopusil hahahaha. Ako dyod giduol ang driver na nanigarilyo pa dyod, (tonto dyod ug abusado no? no smoking baya ta sa mga jeep dapat)ug akoa giingnan na kung mograhe siya ihatud una niya ang mga pasahero sa ila destinasyon, dili na magbuot-buot siyag byahe! Kabalo moy unsay tubag aning oplok na driver? Giingnan lang ko na sa uban nalang sakay bay, naa pamay lain! Hastang ninduta pusilon ning watergun tawhana hehehe...o di gani pusposan ug footlong bread!
Kay kuyog lagi akoa client wala nako nakiglalis aning drivera, many times man gud nahitabo na ang akoa kuyog maulaw kung makiglalis ko! Ambot sad no, ako may sakto nganong maulaw man ta?

Actually, kining trip short cutting, gibawal kini sa balaod. Kana bang magbuot-biot ang driver sa iya biyahe sukwahi sa iya prangkisa ug ang pildi ani ang mga pasahero! Unsa palakton nimo ang mga pasahero na unta pwede man moagi ang jeep anang rotaha? Ah kadakong tinunto! Ayaw patunto ug dunggaba, hahaha...dunggab naman noon, i mean fight for your rights dyod. Sultihi ang driver na bawal na sa balaod binuhata, pero kung di dyod maninaw ipadakop na aron mangatangtang nang kaspa nang klaseng mga tawhana!

Akoa nalang gikuha ang plate number aning jeepa, ug kung madakpan na ning tawhana, i'm willing to face him! Anytime ready ko ipakaon niya ang sayop niyang prinsipyo! I dont tolerate this kind of behavior kay managhang abusado sa Pilipinas!


--------------------------------------------------------------------------------